“Дулааны тавдугаар цахилгаан станц (ДЦС-5)” -ын бүтээн байгуулалтыг өнөөдөр /2026.05.04/ эхэлж байна. Тус станцыг нийслэлийн Баянгол дүүргийн 20 дугаар хорооны нутаг дэвсгэрт “Дулааны хоёрдугаар цахилгаан станц”-ын үнсэн сангийн зориулалттай газрыг түшиглэн 26.4 га газарт барина.

Бүтээн байгуулалтын шав тавих арга хэмжээнд Эрчим хүчний сайд Б.Найдалаа, Нийслэлийн Засаг дарга бөгөөд Улаанбаатар хотын захирагч Х.Нямбаатар, Хувийн хэвшлийн түншлэгч “Митайм Интернэйшнл” компанийн удирдлагууд болон холбогдох албаныхан оролцов.

“Дулааны тавдугаар цахилгаан станц”-ын Техникийн хяналтын хэлтсийн ахлах инженер Л.Баасан хэлэхдээ “Талбайгаас нэг сая куб.метр үнс зөөх бөгөөд хоёр сар орчмын хугацаанд энэ ажлыг хийж дуусгахаар төлөвлөсөн. Үнсийг морингийн даваанд зөвшөөрөгдсөн газарт буулгана. Үнс зөөх ажил дууссаны дараа хөрсний тэгшилгээ хийнэ, дараа нь суурийн ажлууд явагдана. Энэ жил бүх сууриудыг цутгаж дуусгахаар төлөвлөж байна. Мөн тоноглолуудаа татаж авах, зам тайлбайгаа бэлдэх ажлууд явагдана” гэв.

Дэлгэрэнгүйг https://ipiu.mn/tpp5/articles/69e85cea36fab8c81f2d49b6?fbclid=IwY2xjawRVW9hleHRuA2FlbQIxMABicmlkETFtSWRxaFVMTFhFeEc5ZkFGc3J0YwZhcHBfaWQQMjIyMDM5MTc4ODIwMDg5MgABHsscTejFcGJ2oRQJw_oodR-12WqrCr6KYhgCQWyCAHwSaec_rCQHHZlf_vZh_aem_-I7wOGnP32MbsTJJpypt9w

Дэлгэрэнгүйг https://ipiu.mn/tpp5/articles/69c63149eadb029b4b8f2aeb

Дулааны V цахилгаан станц төслийн санхүүжилтэд 200 тэрбумын бонд гаргах эрхийг нийслэлд олголоо.

“Дулааны тавдугаар цахилгаан станц” төслийг санхүүжүүлэх зорилгоор 200 тэрбум төгрөг хүртэлх үнэт цаасыг хууль тогтоомжид нийцүүлэн дотоодын зах зээлд 2026 онд багтаан төслийн хэрэгжилттэй уялдуулан үе шаттай арилжаалах эрхийг Нийслэлийн Засаг дарга бөгөөд Улаанбаатар хотын Захирагч Х.Нямбаатарт олголоо.

Уг төсөл Баянгол дүүргийн нутаг дэвсгэр хуучнаар ТЭЦ2 станцын үнсэн сангийн талбайд хэрэгжиж байна. Дулааны тавдугаар цахилгаан станц нь 300 мВт цахилгаан, 340 Гкал дулаан үйлдвэрлэх хүчин чадалтай байхаар төлөвлөжээ. Мөн усны хэрэглээг бууруулсан агаарын хөргөлтийн систем, хаягдал усаа буцааж ашиглах технологи бүхий байгаль орчинд ээлтэй шийдэлтэй.

Станц ашиглалтад орсноор 100 мянга орчим айл өрхийг цахилгаанаар, 40 мянган айлыг дулаанаар хангах юм. Үйлдвэрлэсэн цахилгаан эрчим хүчнийхээ 90 хувийг төвийн сүлжээнд нийлүүлж, үлдсэн 10 хувийг нь станцын дотоод хэрэглээнд зарцуулах юм.

Эрчим хүчний салбарыг цэгцлэх зорилгын хүрээнд Ерөнхий сайдаас өгсөн хугацаатай үүргийн дагуу төслийн газар шорооны ажлыг энэ сарын 15-наас эхлүүлэхээр болжээ. Эхний ээлжинд 1961 он буюу ТЭЦ2 станц ажиллаж эхэлснээс хойш 65 жил хуримтлагдсан үнсийг зайлуулах юм. Үүний дараа дөрөвдүгээр сард барилгын ажил өрнөх юм байна.

Сонгон шалгаруулалтад тэнцсэн хөрөнгө оруулагчтай үндсэн гэрээгээ байгуулсан бөгөөд дагалдах гэрээнүүдийг цэгцлэх ажлыг энэ сардаа багтааж дуусгахаар ажиллаж байна. Барилга угсралтын ажлыг 2.5 жил байхаар тооцжээ.

Төслийг төр, хувийн хэвшлийн түншлэлээр хэрэгжүүлэх бөгөөд нийт өртөг нь 658.5 сая доллар. Хөрөнгө оруулалтын 80 хувийг хувийн хэвшил, 20 хувийг нийслэл хариуцна.